മുത്ത്വലാഖ് ബില്ല് ലോക്‌സഭ പാസാക്കി.
ന്യൂഡല്‍ഹി: പാര്‍ലമെന്റിന്റെ സംയുക്ത സമിതിക്ക് വിടണമെന്ന പ്രതിപക്ഷ കക്ഷികളുടെ ആവശ്യം തള്ളി മുത്ത്വലാഖ് ബില്ല് ലോക്‌സഭ പാസാക്കി. ബില്ല് പാര്‍ലമെന്റിന്റെ സംയുക്ത സമിതിക്ക് വിടില്ലെന്ന് സര്‍ക്കാര്‍ വ്യക്തമാക്കിയതോടെ കോണ്‍ഗ്രസ്, എഐഎഡിഎംകെ കക്ഷികള്‍ സഭയില്‍ നിന്ന് ഇറങ്ങിപ്പോയി. തുടര്‍ന്നു നടന്ന വോട്ടെടുപ്പില്‍ 245 അംഗങ്ങളുടെ പിന്തുണയോടെയാണ് ബില്ല് പാസാക്കിയത്. കേരളത്തില്‍ നിന്നുള്ള അംഗം എന്‍ കെ പ്രേമചന്ദ്രനും അസദുദ്ദീന്‍ ഉവൈസിയും ഭേദഗതികള്‍ കൊണ്ടുവന്നെങ്കിലും അവ വോട്ടിനിട്ട് തള്ളി. ബില്ലിന്‍മേല്‍ മൂന്നു മണിക്കൂറോളമാണ് ചര്‍ച്ച നടന്നത്. ചര്‍ച്ചയ്‌ക്കൊടുവില്‍ ബില്ല് ഭരണഘടനാ വിരുദ്ധവും മുസ്‌ലിം വ്യക്തിനിയമത്തിന് എതിരും വിവേചനപരവുമാണെന്ന് കോണ്‍ഗ്രസ് നേതാവ് മല്ലികാര്‍ജുന്‍ ഖാര്‍ഗെ പറഞ്ഞു.
Comments
Post a Comment